"Бенфика" таянч ярим ҳимоячиси Флорентино Луиш фаолиятини Италиянинг "Рома" клубида давом эттириши мумкин. Бу ҳақда журналист Жанлука ди Марцио маълум қилди.
Таъкидланишича, 26 ёшли португалиялик Рим жамоасига жуда ёқмоқда, унинг ўзи ҳам клубини ўзгартиришга тайёр. Аммо "Рома" раҳбарияти ўз ярим ҳимоячиларидан бирортаси билан хайрлашган тақдирдагина Флорентинога расмий таклиф билан чиқади.
Флорентино Луиш "Бенфика" тарбияланувчиси ҳисобланади. У жорий мавсумда барча турнирларда 8 та учрашувда майдонга тушиб, 1 та гол уришга муваффақ бўлди.
Transfermarkt портали маълумотларига кўра, футболчининг нархи 22 миллион еврони ташкил этади.
