Ijtimoiy tarmoqlar foydalanuvchilari "Manchester Yunayted" va Angliyaning to‘rtinchi divizioni vakili "Grimsbi" jamoalari o‘rtasidagi qarama-qarshilik haqida qiziqarli fakt topishdi.
Eslatib o‘tamiz, "MYU" Liga kubogining 1/32 final o‘yinida Angliyaning quyi divizion jamoasiga yutqazib qo‘ydi (2:2, pen. 11:12). Shundan so‘ng ijtimoiy tarmoqlarda qiziqarli faktlar e’lon qilina boshlandi.
Ulardan biri "Manchester Yunayted" 79 yildan beri "Grimsbi"ni mag‘lub eta olmayotgani haqidagi ma’lumotdir. Bu vaqt ichida jamoalar 4 marta - 1946 yil dekabrda (0:0), 1947 yil oktyabrda (3:4) va 1948 yil martda (1:1) to‘qnash kelishgan. Yana bir o‘yin 2025 yil 27 avgustda bo‘lib o‘tdi.
Qizig‘i, jamoalar qarama-qarshiligi tarixi 1905 yildan boshlanadi, o‘shanda "MYU" 2:1 hisobida g‘alaba qozongandi. "Qizil iblislar" o‘zaro o‘yinlarda "Grimsbi"ni bor-yo‘g‘i besh marta yutgan. Qolgan 15 ta uchrashuvda Angliyaning quyi divizion jamoasi durang yoki g‘alaba bilan yakunlandi.
