Ижтимоий тармоқлар фойдаланувчилари "Манчестер Юнайтед" ва Англиянинг тўртинчи дивизиони вакили "Гримсби" жамоалари ўртасидаги қарама-қаршилик ҳақида қизиқарли факт топишди.
Эслатиб ўтамиз, "МЮ" Лига кубогининг 1/32 финал ўйинида Англиянинг қуйи дивизион жамоасига ютқазиб қўйди (2:2, пен. 11:12). Шундан сўнг ижтимоий тармоқларда қизиқарли фактлар эълон қилина бошланди.
Улардан бири "Манчестер Юнайтед" 79 йилдан бери "Гримсби"ни мағлуб эта олмаётгани ҳақидаги маълумотдир. Бу вақт ичида жамоалар 4 марта - 1946 йил декабрда (0:0), 1947 йил октябрда (3:4) ва 1948 йил мартда (1:1) тўқнаш келишган. Яна бир ўйин 2025 йил 27 августда бўлиб ўтди.
Қизиғи, жамоалар қарама-қаршилиги тарихи 1905 йилдан бошланади, ўшанда "МЮ" 2:1 ҳисобида ғалаба қозонганди. "Қизил иблислар" ўзаро ўйинларда "Гримсби"ни бор-йўғи беш марта ютган. Қолган 15 та учрашувда Англиянинг қуйи дивизион жамоаси дуранг ёки ғалаба билан якунланди.
