Angliyaning "Lester" klubi sobiq forvardi Jeymi Vardining kelajagi haqida ma’lumot paydo bo‘ldi.
Jurnalist Eleonora Trottaning ta’kidlashicha, 38 yoshli hujumchi uchun Italiyaning "Kremoneze" klubining taklifi eng qiziqarli bo‘lib qolmoqda. Vardining o‘zi Angliya Premyer-ligasida o‘ynashni istardi, ammo u yerdan hech qanday taklif bo‘lmadi.
Vardi 2012 yildan 2025 yilgacha "Lester"da o‘ynagan. Bu vaqt ichida u 500 ta o‘yin o‘tkazib, 200 ta gol urdi va 71 ta golli uzatmani o‘z hisobiga yozdirib qo‘ydi.













