Bugun Monakoda Chempionlar ligasi umumiy bosqichiga qur’a tashlash marosimi bo‘lib o‘tadi.
Tadbir Toshkent vaqti bilan 21:00 da boshlanadi.
Turnirda 36 ta klub ishtirok etadi. Ular to‘rtta savatga taqsimlangan (ularning tarkibi quyida keltirilgan).
Umumiy bosqichda har bir jamoa 8 tadan o‘yin o‘tkazadi: 4 tasi uyda, 4 tasi safarda. Har bir klub uchun 8 tadan raqib tanlanadi - har bir savatdan 2 tadan.
36 ta klubning barchasi umumiy jadvalda joylashgan. To‘g‘ridan-to‘g‘ri 1/8 finalga 8 ta dastlabki o‘rinlarni egallagan jamoalar yo‘l oladi. 9-o‘rindan 24-o‘ringacha bo‘lgan jamoalar juftlik bahslarini o‘tkazishadi. 25-o‘rindan 36-o‘ringacha bo‘lgan jamoalar yevrokuboklarni tark etadi.
