Transfer oynasi yopilishiga bir necha kun qolganida Germaniyaning "Bayer" klubi bir nechta kelishuvlarni amalga oshirishga harakat qilmoqda. Ular orasida tayanch yarim himoyachisi Esekiel Fernandesning transferi ham bor, deb xabar beradi Kicker.

Manbaga ko‘ra, Saudiya Arabistonining "Al-Qodisiya" jamoasining 23 yoshli futbolchisi leverkuzenliklar uchun tibbiy ko‘rikdan o‘tishi qoldi. U o‘tgan mavsum 37 ta o‘yinda maydonga tushib, 1 ta gol urdi va 4 ta golli uzatmani amalga oshirdi.

Fernandes Argentina yoshlar va o‘smirlar terma jamoasida o‘ynagan, ammo hali asosiy jamoada debyut qilmagan. Transfermarkt portali futbolchining narxini 12 million yevroga baholamoqda.