Трансфер ойнаси ёпилишига бир неча кун қолганида Германиянинг "Байер" клуби бир нечта келишувларни амалга оширишга ҳаракат қилмоқда. Улар орасида таянч ярим ҳимоячиси Эсекиэль Фернандеснинг трансфери ҳам бор, деб хабар беради Kicker.
Манбага кўра, Саудия Арабистонининг "Ал-Қодисия" жамоасининг 23 ёшли футболчиси леверкузенликлар учун тиббий кўрикдан ўтиши қолди. У ўтган мавсум 37 та ўйинда майдонга тушиб, 1 та гол урди ва 4 та голли узатмани амалга оширди.
Фернандес Аргентина ёшлар ва ўсмирлар терма жамоасида ўйнаган, аммо ҳали асосий жамоада дебют қилмаган. Transfermarkt портали футболчининг нархини 12 миллион еврога баҳоламоқда.
