"Manchester Yunayted" yarim himoyachisi Kobbi Maynu tez orada klub rahbariyati bilan uchrashib, kelajagini muhokama qiladi.
Payshanba kuni ma’lum bo‘lishicha, 20 yoshli futbolchi Ruben Amorim qo‘l ostida doimiy o‘yin amaliyotiga ega bo‘lmagani uchun ijaraga ketmoqchi. "Qizil iblislar" yosh yulduzni qo‘yib yuborishdan bosh tortmoqda, chunki xavbekda o‘zini ko‘rsatish imkoniyati bo‘ladi, deb hisoblamoqda.
Fabrisio Romanoning yangilangan ma’lumotiga ko‘ra, bugun, juma kuni Maynu "Yunayted" bosslari bilan uchrashadi - tomonlar muammoga optimal yechim topishga harakat qiladi. Angliyalik futbolchi kelasi yozda milliy jamoa bilan jahon chempionatiga borishni istaydi, shuning uchun u mavsumni boshqa jamoada o‘tkazishni rejalashtirmoqda, u yerda asosiy tarkibning muhim o‘yinchisi bo‘ladi. Shu bilan birga, manba aniqlik kiritishicha, Kobbi aynan ijarani talab qilmoqda - u "MYU"dan butunlay ketishni istamayapti.
