Angliyaning "Aston Villa"dan tashqari yana 2ta klubi "Vest Xem"ning hujumkor yarim himoyachisi Lukas Paketani o‘z safiga qo‘shib olmoqchi. Bu haqda Globo xabar bermoqda.
Gap "Tottenxem" va "Everton" haqida ketmoqda. Manbaga ko‘ra, londonliklar Xavi Simonsni sotib olgani uchun bu transferni amalga oshirmasligi mumkin, "Everton" esa "bolg‘achilar"ning 57 million yevro miqdoridagi moliyaviy talablarini qondira olishiga shubha qilmoqda.
O‘yinlarga pul tikishga aloqadorlikda ayblanib, oqlangan 28 yoshli futbolchi yangi mavsumni 3 ta o‘yinda 2 ta gol bilan boshladi. Ammo uning klubining ishlari unchalik yaxshi emas, "Vest Xem" Liga kubogidan chiqib ketdi va chempionatdagi ikkala o‘yinda ham mag‘lub bo‘ldi.













