Kristofer Nkunku «Chelsi»dan «Milan»ga o‘tdi. Italiya klubi 27 yoshli hujumchi transferi rasmiylashganini ma’lum qildi.

Futbolchi bilan tuzilgan kelishuv 2030 yil 30 iyunigacha mo‘ljallangan. Kristofer Nkunku «rossoneri» safida 18-raqam ostida to‘p surishini ma’lum qildi.

Avvalroq xabar berilishicha, «Milan» futbolchi uchun 37 million yevro to‘laydi, bonuslar bilan birga summa 42 million yevroga yetishi mumkin.

Nkunku 2023 yil iyuldan beri «Chelsi» safida o‘ynagan. London klubi uni «Leypsig»dan 60 million yevro evaziga xarid qilgan edi.

Jami 62 o‘yinda maydonga tushib, 18 ta gol urgan va 5 ta golli uzatma amalga oshirgan.