"Manchester Siti" bosh murabbiyi Xosep Gvardiolaning fikricha, jamoada joriy mavsumni muvaffaqiyatli o‘tkazish uchun hamma narsa bor.
"Shaharliklar" o‘tgan mavsumni muvaffaqiyatsiz yakunladi. Premyer-liganing yangi mavsumida ikki turdan so‘ng jamoa 3 ochko jamg‘ardi.
"Nega men muvaffaqiyatni oldindan ko‘ra olaman? Mashq qilayotganimiz, kurashayotganimiz menga yoqmoqda. Albatta, biz hali o‘z ustimizda ishlashimiz kerak, ammo klublar o‘rtasidagi jahon chempionati boshlanganidan beri ko‘rgan ko‘p narsalarim, ayniqsa, mashg‘ulotlarda menga juda yoqadi. Hatto "Tottenxem"ga qarshi o‘yinda ham ijobiy vaziyatlar bo‘ldi, ammo biz mag‘lub bo‘ldik. Biz ancha yaxshiroq o‘ynashimiz kerak, ammo mavsum endi boshlanganini hisobga olsak, hammasi joyida," - deya Gvardiolaning so‘zlarini keltiradi City Xtra.
