"Tottenxem" shanba kuni "Bornmut"ga o‘z uyida 0:1 hisobida mag‘lub bo‘lib, muxlislarining hafsalasini pir qildi.
London jamoasi bosh murabbiyi Tomas Frank o‘yindan keyin fikr bildirdi.
"Bu shok emas, lekin men kutgandek o‘yin ham emas. Bundan ham ko‘prog‘ini kutgandim. "Bornmut" kuchli jamoa. Negadir paslar bilan yaxshi o‘yin qura olmadik deb o‘ylayman.
Raqib to‘pni imkon qadar tezroq olishga harakat qildi, ularda bunga tayyor futbolchilar bor. Bir-ikkita uzatma va ular to‘pni bizdan olib qo‘yishdi. Bunday jamoaga qarshi o‘ynash qiyin", – dedi Frank.
