Nikolas Jekson allaqachon "Bavariya" futbolchisi bo‘lishi mumkin edi, ammo "Chelsi" Liam Delapning jarohati tufayli sotib olish opsiyasi bilan ijara shartnomasini bekor qildi. Londonliklar Jekson Myunxenda bo‘lganida va tekshiruvdan o‘tishga tayyorgarlik ko‘rayotganida jarayonni bekor qilishgandi.
Sky Sports News xabariga ko‘ra, "Bavariya" endi "Chelsi" bilan muzokaralarni qayta boshladi. Myunxenliklar 24 yoshli senegallik futbolchi bo‘yicha hali ham kelishuvga erishmoqchi. Jeksonning o‘zi ham Bundesliga jamoasiga o‘tishga qat’iy bel bog‘lagan.
Nikolas Jekson va uning vakillari hamon Myunxenda. Hozirda forvard Londonga qaytishi shart emas, chunki u Senegal terma jamoasi qarorgohiga borishi kerak.













