Yulduz hujumchi Krishtianu Ronaldu to‘p surayotgan "An-Nasr" "Sochi" futbolchisini o‘z safiga qo‘shib olmoqchi. Saudiya Arabistoni klubiga "barslar"ning 22 yoshli forvardi Saul Guarirapa qiziq.

"An-Nasr" allaqachon Guarirapani ijaraga olish bo‘yicha taklif bilan chiqqan va kelishuvga futbolchi futbol maydonida ma’lum daqiqalar o‘tkazganda majburiy sotib olish opsiyasini kiritgan. Bu haqda Metaratings yozmoqda.

"Sochi" safida Saul Guarirapa jami 26 ta rasmiy o‘yin o‘tkazib, 10 ta gol va 4 ta golli uzatmani o‘z hisobiga yozdirib qo‘ygan. Nufuzli Transfermarkt portali mutaxassislari futbolchini 1,5 million yevroga baholamoqda.