«Liverpul»ning yangi futbolchisi Aleksander Isak transfer oynasi yopilishidan oldingi oxirgi kunda «Nyukasl»dan mersisaydliklar safida qo‘shilgani haqida o‘z fikrlarini bildirdi. Shved hujumchisining o‘tishi Angliya Premyer-ligasi tarixida eng qimmati bo‘ldi.
«O‘zimni ajoyib his qilyapman. Bu yo‘l uzun bo‘ldi, ammo jamoaning bir bo‘lagiga aylanayotganimdan juda baxtiyorman. Bundan faxrlanaman. Hammasi yakunlanganidan xursandman va endi ishga qaytish vaqti keldi. Jamoadoshlarim va muxlislar bilan uchrashishni, yana maydonga chiqishni sabrsizlik bilan kutyapman.
O‘ylaymanki, klubga berishim mumkin bo‘lgan juda ko‘p narsa bor va shu bilan birga o‘zimda ishlashim kerak bo‘lgan jihatlar ham yo‘q emas. Men hujumchiman, ammo har doim jamoaga imkon qadar ko‘proq foyda keltirishni istayman. Asosiy vazifam — gol urish, lekin faqat shu emas. Men hammasiga erishmoqchiman. Ha, aynan shunday», — deya Isakning so‘zlarini «Liverpul» rasmiy sayti keltirdi.
OAV ma’lumotlariga ko‘ra, kelishuv qiymati 125 mln funt (145 mln yevro)ni tashkil etgan. Aleksander Isak 2022 yil yozidan beri «Nyukasl» safida to‘p surib kelayotgan edi.













