Londonning "Chelsi" klubi ukrainalik hujumkor yarim himoyachisi Mixail Mudrik Buyuk Britaniyada haydovchilik guvohnomasidan mahrum etildi.

Futbolchi 1,5 yil ichida 13 jarima ochkosi to‘plagan. Oxirgi qoidabuzarlik tezlikni oshirish bo‘ldi va polisiyachilar futbolchini ta’qib qilishga majbur bo‘lishdi.

Ukraina terma jamoasi a’zosining haydovchilik guvohnomasidan mahrum etish muddati olti oyni tashkil etdi, deb yozadi Evening Standard.

Eslatib o‘tamiz, ayni damda Mudrik antidoping qonunchiligini buzgani uchun barcha turnirlarda ishtirok etishdan chetlatilgan. Uning keyingi taqdirini sud hal qiladi, futbolchi 4 yilgacha diskvalifikasiya qilinishi mumkin.

Mudrikning "Chelsi" bilan amaldagi shartnomasi 2031 yilning 30 iyuniga qadar imzolangan.