Лондоннинг "Челси" клуби украиналик ҳужумкор ярим ҳимоячиси Михаил Мудрик Буюк Британияда ҳайдовчилик гувоҳномасидан маҳрум этилди.
Футболчи 1,5 йил ичида 13 жарима очкоси тўплаган. Охирги қоидабузарлик тезликни ошириш бўлди ва полициячилар футболчини таъқиб қилишга мажбур бўлишди.
Украина терма жамоаси аъзосининг ҳайдовчилик гувоҳномасидан маҳрум этиш муддати олти ойни ташкил этди, деб ёзади Evening Standard.
Эслатиб ўтамиз, айни дамда Мудрик антидопинг қонунчилигини бузгани учун барча турнирларда иштирок этишдан четлатилган. Унинг кейинги тақдирини суд ҳал қилади, футболчи 4 йилгача дисквалификация қилиниши мумкин.
Мудрикнинг "Челси" билан амалдаги шартномаси 2031 йилнинг 30 июнига қадар имзоланган.
