Emiliano Martines "Manchester Yunayted"ga o‘tishni uzoq kutdi.
The Athletic nashri xabariga ko‘ra, "Aston Villa" darvozaboni kun bo‘yi bazada mankunianliklar qo‘ng‘irog‘ini kutib o‘tirgan, ammo hech kim aloqaga chiqmagan.
Argentina terma jamoasi futbolchisi mankunianliklar safiga o‘tish istagini yashirmagan va "MYU" himoyachisi Lisandro Martinesdan klub rahbariyati bilan bu borada gaplashib olishni so‘ragan.
Emiliano, shuningdek, iyun va iyul oylarida Ruben Amorim bilan suhbatlashdi. "Yunayted" bosh murabbiyi jahon chempionati g‘olibining xarakteri va tajribasi uning jamoasi uchun foydali bo‘lishiga ishondi.
Shu bilan birga, "MYU"dan mavsumoldi tayyorgarligi boshlanishidan oldin hech qanday rasmiy taklif bo‘lmadi va shundan so‘ng "Aston Villa" Martinesni ijaraga olish bo‘yicha qo‘ng‘iroq oldi. Avgust oyining oxirigacha bu borada hech qanday siljish bo‘lmadi va "Manchester" oxir-oqibat Senne Lammensni sotib oldi.
Ta’kidlanishicha, argentinalik darvozabon "Aston Villa" bazasini transfer oynasi yopilishi arafasida (Toshkent vaqti bilan 23:00) tark etgan va milliy jamoa o‘yinlariga yo‘l olgan.
