Эмилиано Мартинес "Манчестер Юнайтед"га ўтишни узоқ кутди.
The Athletic нашри хабарига кўра, "Астон Вилла" дарвозабони кун бўйи базада манкунианликлар қўнғироғини кутиб ўтирган, аммо ҳеч ким алоқага чиқмаган.
Аргентина терма жамоаси футболчиси манкунианликлар сафига ўтиш истагини яширмаган ва "МЮ" ҳимоячиси Лисандро Мартинесдан клуб раҳбарияти билан бу борада гаплашиб олишни сўраган.
Эмилиано, шунингдек, июнь ва июль ойларида Рубен Аморим билан суҳбатлашди. "Юнайтед" бош мураббийи жаҳон чемпионати ғолибининг характери ва тажрибаси унинг жамоаси учун фойдали бўлишига ишонди.
Шу билан бирга, "МЮ"дан мавсумолди тайёргарлиги бошланишидан олдин ҳеч қандай расмий таклиф бўлмади ва шундан сўнг "Астон Вилла" Мартинесни ижарага олиш бўйича қўнғироқ олди. Август ойининг охиригача бу борада ҳеч қандай силжиш бўлмади ва "Манчестер" охир-оқибат Сенне Ламменсни сотиб олди.
Таъкидланишича, аргентиналик дарвозабон "Астон Вилла" базасини трансфер ойнаси ёпилиши арафасида (Тошкент вақти билан 23:00) тарк этган ва миллий жамоа ўйинларига йўл олган.
