"Barselona" yarim himoyachisi Fermin Lopes jamoaning joriy mavsumdagi maqsadlari haqida gapirdi.

O‘tgan mavsumni "ko‘k-anorranglilar" La Liga, Ispaniya Kubogi va mahalliy Superkubok g‘olibi sifatida yakunladi, Chempionlar Ligasida esa yarim final bosqichida Milanning "Inter" klubi tomonidan to‘xtatildi.

"O‘tgan mavsumda ko‘plab sovrinlarni qo‘lga kiritdik, ammo Chempionlar Ligasidan chiqib ketish qattiq ta’sir ko‘rsatdi. Bu safar ham o‘sha kayfiyat, o‘sha kamtarlik va eng muhimi, o‘sha mehnatsevarlik bilan g‘alaba qozonishga harakat qilamiz," - deya Fermin so‘zlarini keltiradi Barca Universal.