"Atalanta" hujumchisi Ademola Lukman turk klubiga o‘tishni rejalashtirmayapti. 27 yoshli futbolchiga "Fenerbaxche" qiziqish bildirayotgan edi, ammo transfer amalga oshmadi. Insayder Fabrisio Romanoning ma’lum qilishicha, nigeriyalik futbolchi faoliyatini Turkiya Superligasida davom ettirish haqida o‘ylamayapti. Ko‘rinib turibdiki, hujumchi "Atalanta"da qoladi - bergamoliklar uni Chempionlar Ligasi umumiy bosqichining bo‘lajak o‘yinlari qaydnomasiga kiritishdi.
Ademola Lukmanga avvalroq Milanning "Inter" va Myunxenning "Bavariya" klublari qiziqish bildirgan - ikkala klub ham "Atalanta" bilan kelisha olmagan. Futbolchining narxi Transfermarkt ekspertlari tomonidan 60 mln yevroga baholanmoqda.
