"Аталанта" ҳужумчиси Адемола Лукман турк клубига ўтишни режалаштирмаяпти. 27 ёшли футболчига "Фенербахче" қизиқиш билдираётган эди, аммо трансфер амалга ошмади. Инсайдер Фабрицио Романонинг маълум қилишича, нигериялик футболчи фаолиятини Туркия Суперлигасида давом эттириш ҳақида ўйламаяпти. Кўриниб турибдики, ҳужумчи "Аталанта"да қолади - бергамоликлар уни Чемпионлар Лигаси умумий босқичининг бўлажак ўйинлари қайдномасига киритишди.
Адемола Лукманга аввалроқ Миланнинг "Интер" ва Мюнхеннинг "Бавария" клублари қизиқиш билдирган - иккала клуб ҳам "Аталанта" билан келиша олмаган. Футболчининг нархи Transfermarkt экспертлари томонидан 60 млн еврога баҳоланмоқда.
