Yaqinda "Zenit" o‘z vingeri Pedroni "Al-Ittihod" qiziqish bildirayotgan Saudiya Arabistoniga qo‘yib yubormoqchi emasligi haqida xabarlar tarqaldi. Jurnalist Santi Auna xabariga ko‘ra, futbolchi transfer oynasi yakuniga qadar Rossiyani tark etish niyatida.
Qayd etilishicha, braziliyalik futbolchi "Zenit" rahbariyatini uni Saudiya Arabistoni klubiga qo‘yib yuborishga majbur qilmoqda. Peterburg jamoasi transferni qishda ko‘rib chiqishga tayyor, ammo Pedro hozirning o‘zida ketishni talab qilmoqda.
20 yoshli braziliyalik futbolchi 2024 yilning qishida "Zenit" safiga qo‘shildi. Pedro "ko‘k-oq-ko‘klar" safida 37 ta o‘yin o‘tkazib, beshta gol urdi va sakkizta golli uzatmani amalga oshirdi. Uning Sankt-Peterburg klubi bilan shartnomasi 2028 yilning yozigacha mo‘ljallangan.
