"Yuventus" Kenan Yildizning shartnomasini uzaytirish ustida ishlamoqda va Tuttosport nashri xabariga ko‘ra, shu oyda klub rahbariyati hujumchining otasi va agenti bilan yangi uchrashuv o‘tkazishi mumkin.
20 yoshli futbolchining amaldagi shartnomasi 2029 yilgacha mo‘ljallangan, ammo "Yuventus" bir necha oydan beri yangi kelishuv ustida ishlamoqda, ayniqsa, iyun oyida "Arsenal" va "Chelsi" takliflarini rad etganidan keyin, chunki ular Yildizni hech qanday shartlar bilan sotmoqchi emas.
Nashr ma’lumotlariga ko‘ra, turinliklar Yildiz bilan kelishuvni 2030 yilgacha uzaytirmoqchi. Klub turkiyalik futbolchiga yiliga 3,5 million yevro miqdorida qat’iy maosh va bosqichma-bosqich 4-5 milliongacha ko‘tarish va bonuslar taklif qilishni rejalashtirmoqda. Hozir Yildiz yiliga 1,5 million yevro maosh oladi, demak, o‘sish sezilarli bo‘ladi.
Qo‘shimcha qilamizki, Yildiz "Yuventus" safida barcha musobaqalarda 86ta o‘yinda maydonga tushib, 16ta gol urgan va 13ta golga hammualliflik qilgan. Transfermarkt portali uning narxini 50 million yevroga baholamoqda.
