"Ювентус" Кенан Йилдизнинг шартномасини узайтириш устида ишламоқда ва Tuttosport нашри хабарига кўра, шу ойда клуб раҳбарияти ҳужумчининг отаси ва агенти билан янги учрашув ўтказиши мумкин.
20 ёшли футболчининг амалдаги шартномаси 2029 йилгача мўлжалланган, аммо "Ювентус" бир неча ойдан бери янги келишув устида ишламоқда, айниқса, июнь ойида "Арсенал" ва "Челси" таклифларини рад этганидан кейин, чунки улар Йилдизни ҳеч қандай шартлар билан сотмоқчи эмас.
Нашр маълумотларига кўра, туринликлар Йилдиз билан келишувни 2030 йилгача узайтирмоқчи. Клуб туркиялик футболчига йилига 3,5 миллион евро миқдорида қатъий маош ва босқичма-босқич 4-5 миллионгача кўтариш ва бонуслар таклиф қилишни режалаштирмоқда. Ҳозир Йилдиз йилига 1,5 миллион евро маош олади, демак, ўсиш сезиларли бўлади.
Қўшимча қиламизки, Йилдиз "Ювентус" сафида барча мусобақаларда 86та ўйинда майдонга тушиб, 16та гол урган ва 13та голга ҳаммуаллифлик қилган. Transfermarkt портали унинг нархини 50 миллион еврога баҳоламоқда.
