Fransiyaning "Marsel" klubi sharafini himoya qilayotgan Meyson Grinvud hozircha qaysi terma jamoada o‘ynashni istashi borasida bir qarorga kelgani yo‘q. Bu haqda Goal xabar bermoqda.

Grinvud Yamayka pasportini bir oy oldin ajdodlari tufayli olgan, ammo u hali ham qaysi terma jamoaga - Angliya yoki Yamaykadan birida o‘ynashga oydinlik kiritishga shoshilmayapti. Futbolchi hozirda klubdagi faoliyatiga e’tibor qaratishini aytdi.

Bu so‘zlar Yamayka murabbiyi Stiv Maklarenning hafsalasini pir qildi, biroq u kelajakda vaziyat o‘zgarishiga umid qilmoqda. Ayni damda yamaykaliklar jahon chempionati yo‘llanmasi uchun kurash olib borishmoqda.

Joriy mavsumda 23 yoshli futbolchi klub miqyosida 3 ta o‘yinda 1 ta gol va 2 ta assistni o‘z hisobiga yozdirib qo‘ydi.