Франциянинг "Марсель" клуби шарафини ҳимоя қилаётган Мэйсон Гринвуд ҳозирча қайси терма жамоада ўйнашни исташи борасида бир қарорга келгани йўқ. Бу ҳақда Goal хабар бермоқда.

Гринвуд Ямайка паспортини бир ой олдин аждодлари туфайли олган, аммо у ҳали ҳам қайси терма жамоага - Англия ёки Ямайкадан бирида ўйнашга ойдинлик киритишга шошилмаяпти. Футболчи ҳозирда клубдаги фаолиятига эътибор қаратишини айтди.

Бу сўзлар Ямайка мураббийи Стив Маклареннинг ҳафсаласини пир қилди, бироқ у келажакда вазият ўзгаришига умид қилмоқда. Айни дамда ямайкаликлар жаҳон чемпионати йўлланмаси учун кураш олиб боришмоқда.

Жорий мавсумда 23 ёшли футболчи клуб миқёсида 3 та ўйинда 1 та гол ва 2 та ассистни ўз ҳисобига ёздириб қўйди.