Germaniya terma jamoasi bosh murabbiyi Yulian Nagelsmann Florian Virsning "Liverpul"dagi o‘yini haqida fikr bildirdi.
22 yoshli hujumkor yarim himoyachi mavsum oldidan mersisaydliklar safiga qo‘shildi va "Bayer"dan 125 mln yevro evaziga transfer qilindi.
"Flo - Germaniya terma jamoasining asosiy futbolchilaridan biri. Uni faqat to‘pni boshqarishni istaydigan klassik "o‘nlik" deb atab bo‘lmaydi, chunki u ko‘p harakat qiladi va to‘psiz ishlaydi. U "Liverpul"ga o‘tishdan oldin qiyinchiliklarga duch keldi va uning Angliyadagi birinchi o‘yinlari [Germaniyadagi kabi] unchalik ishonchli emas edi, lekin unchalik yomon ham emas edi. U "Bayer"da asosiy yulduz bo‘lgan, "Liverpul"da esa ko‘plab yulduzlardan biriga aylanadi. Yangi sharoitlarga ko‘nikish uchun vaqt kerak bo‘ladi, lekin bu normal holat. Shubhasiz, uni oldinda ko‘plab ajoyib o‘yinlar kutmoqda," - deya Nagelsmanning so‘zlarini keltiradi Bayern & Germany.
