Германия терма жамоаси бош мураббийи Юлиан Нагельсманн Флориан Вирцнинг "Ливерпуль"даги ўйини ҳақида фикр билдирди.
22 ёшли ҳужумкор ярим ҳимоячи мавсум олдидан мерсисайдликлар сафига қўшилди ва "Байер"дан 125 млн евро эвазига трансфер қилинди.
"Фло - Германия терма жамоасининг асосий футболчиларидан бири. Уни фақат тўпни бошқаришни истайдиган классик "ўнлик" деб атаб бўлмайди, чунки у кўп ҳаракат қилади ва тўпсиз ишлайди. У "Ливерпуль"га ўтишдан олдин қийинчиликларга дуч келди ва унинг Англиядаги биринчи ўйинлари [Германиядаги каби] унчалик ишончли эмас эди, лекин унчалик ёмон ҳам эмас эди. У "Байер"да асосий юлдуз бўлган, "Ливерпуль"да эса кўплаб юлдузлардан бирига айланади. Янги шароитларга кўникиш учун вақт керак бўлади, лекин бу нормал ҳолат. Шубҳасиз, уни олдинда кўплаб ажойиб ўйинлар кутмоқда," - дея Нагельсманнинг сўзларини келтиради Bayern & Germany.
