Turkiyalik 20 yoshli vinger Kenan Yildiz hozirgi klubi Turinning "Yuventus" klubi bilan yangi mehnat shartnomasini imzolashi mumkin. Bu haqda Gazzetta dello Sport nashri xabar bermoqda.

Manbaga ko‘ra, "keksa sinyora" hamkorlikni 2030 yil o‘rtalariga qadar uzaytirmoqchi. Tomonlar o‘rtasidagi amaldagi shartnoma muddati 2029 yil iyun oyi oxirida tugaydi.

O‘tgan mavsumda Kenan Italiya top-klubining 52 ta o‘yinida ishtirok etgan. U 12 ta gol urib, to‘qqizta golli uzatmani amalga oshirdi. Transfermarkt portali ekspertlari turkiyalik futbolchining bozor narxini 50 million yevroga baholamoqda.