Туркиялик 20 ёшли вингер Кенан Йилдиз ҳозирги клуби Туриннинг "Ювентус" клуби билан янги меҳнат шартномасини имзолаши мумкин. Бу ҳақда Gazzetta dello Sport нашри хабар бермоқда.

Манбага кўра, "кекса синьора" ҳамкорликни 2030 йил ўрталарига қадар узайтирмоқчи. Томонлар ўртасидаги амалдаги шартнома муддати 2029 йил июнь ойи охирида тугайди.

Ўтган мавсумда Кенан Италия топ-клубининг 52 та ўйинида иштирок этган. У 12 та гол уриб, тўққизта голли узатмани амалга оширди. Transfermarkt портали экспертлари туркиялик футболчининг бозор нархини 50 миллион еврога баҳоламоқда.