"Liverpul" o‘z akademiyasini qayta qurish uchun 23 million yevro ajratmoqda. Bu haqda The Athletic nashriyoti xabar berdi.
Mazkur nashr e’lon qilgan ma’lumotlarga ko‘ra, "Liverpul" so‘nggi 5 yil ichida o‘z tarbiyalanuvchilarini sotish orqali 230 million yevrodan ortiq mablag‘ ishlab topgan. Akademiyaning kelgusi qayta qurilishi 1998 yilda ochilganidan buyon eng keng ko‘lamli bo‘ladi.
Hozirgi asosiy maydon ustiga yopiq gumbaz quriladi va u akademiya binosi bilan tutashtiriladi. Gumbaz "Liverpul"ga ilk bor to‘liq o‘lchamli yopiq maydon imkoniyatini beradi. Shuningdek, tibbiyot va sport-ilmiy hududlar ham kengaytiriladi.
Sun’iy qoplama o‘rniga 500 tomoshabinga mo‘ljallangan yangi tribuna bilan jihozlangan tabiiy maysazor barpo etiladi. "Liverpul" loyiha 2028 yilga qadar yakunlanishiga umid bildirmoqda.
