"Ливерпуль" ўз академиясини қайта қуриш учун 23 миллион евро ажратмоқда. Бу ҳақда The Athletic нашриёти хабар берди.
Мазкур нашр эълон қилган маълумотларга кўра, "Ливерпуль" сўнгги 5 йил ичида ўз тарбияланувчиларини сотиш орқали 230 миллион евродан ортиқ маблағ ишлаб топган. Академиянинг келгуси қайта қурилиши 1998 йилда очилганидан буён энг кенг кўламли бўлади.
Ҳозирги асосий майдон устига ёпиқ гумбаз қурилади ва у академия биноси билан туташтирилади. Гумбаз "Ливерпул"га илк бор тўлиқ ўлчамли ёпиқ майдон имкониятини беради. Шунингдек, тиббиёт ва спорт-илмий ҳудудлар ҳам кенгайтирилади.
Сунъий қоплама ўрнига 500 томошабинга мўлжалланган янги трибуна билан жиҳозланган табиий майсазор барпо этилади. "Ливерпуль" лойиҳа 2028 йилга қадар якунланишига умид билдирмоқда.
