"Bayer"da sport direktori lavozimida ishlayotgan Simon Rolfes Erik ten Xag bosh murabbiylikdan iste’foga chiqarilgach, klubdagi muhit yaxshilanganini payqadi.
"Men, albatta, yaxshi muhitni his qilyapman. So‘nggi ikki kun ichida jamoa mashg‘ulotlarda va o‘tgan o‘rtoqlik o‘yinida o‘zini ko‘rsatdi. Bizda yaxshi struktura, yaxshi dastur bor edi - hammasi zo‘r edi", - deya Rolfesning so‘zlarini keltiradi Goal portali.
Chorshanba kuni "Bayer" uchinchi divizion vakili "Viktoriya Kyoln"ni o‘rtoqlik uchrashuvida 2:1 hisobida mag‘lub etdi.
