Diyego Simeone UYEFA delegasiyasi bilan uchrashuvni norozilik bilan tark etdi.
O‘tgan juma kuni “Atletiko” mashg‘ulotlari oldidan ispaniyalik sobiq hakam Karlos Velasko Karbalyo boshchiligidagi UYEFA hakamlar delegasiyasi jamoa va murabbiylar shtabi uchun UYEFA musobaqalaridagi yangi qoidalar bo‘yicha texnik seminar o‘tkazish uchun klubga tashrif buyurdi.
O‘yinchilar va Diyego Simeone konferensiya zalida yig‘ilishdi, u yerda Velasko Karbalyo bahsli lahzalarni talqin qilishning nyuanslarini tushuntirish uchun misollar va videotasvirlardan foydalangan. Penalti ijrosi vaqtida epizodni "ikkita teginish" bilan ko‘rsatishini ma’lum qilguniga qadar hammasi reja bo‘yicha ketayotgandi.
Simeone aralashib, nega hakamlar Xulian Alvares tomonidan tepilgan penaltini bekor qilinishi sababli yuzaga kelgan shov-shuvli epizodni ko‘rib chiqmayotganini so‘radi.
Eslatib o‘tamiz, bahorda "Atletiko" so‘nggi Chempionlar ligasining 1/8 finalida "Real"ga mag‘lub bo‘lgandi (1:2, 1:0, penaltilar seriyasida 2:4). Alvaresning penaltilar seriyasida kiritgan golini bosh hakam Shimon Marchinyak ikki marta teginish tufayli hisobga olmagandi.
Velasko Karbalyo bunga javoban ular boshqacha hikoya tayyorlaganliklarini va Alvares bilan bog‘liq vaziyat tahlil qilishni talab qilmasligini aytdi. Ammo argentinalik murabbiy takidladi: aynan mana shu epizod o‘tgan mavsumda "Atletiko"ga jiddiy zarar yetkazdi va jamoa rasmiy izoh eshitishni xohladi.
O‘yinchilarni, shuningdek, oylar davomida tayyorgarlik ko‘rishgani uchun UYEFA vakillari o‘z taqdimotiga so‘nggi kampaniyaning muhim lahzasini kiritishni zarur deb hisoblamaganidan hayratda qolishdi.
Velasko Karbalyo shunday javob berdi: "Bu holat aniq, Xulian ikkita teginish qildi va buni muhokama qilishning ma’nosi yo‘q".
Shundan so‘ng Simeonening sabri qolmadi va o‘rnidan turib: "Uyat, uyat" dedi. Keyin "Atletiko" ustozi yig‘ilishni tark etdi.
Keyinroq Simeone matbuot anjumanida voqeaga izoh bermadi. Biroq, "Atletiko" kiyinish xonasida ular UYEFA hakamlar korpusi vakillari qoidalarni qanday tushuntirishga kelganini haligacha tushuna olmadilar, biroq ayni paytda klub uchun eng bahsli va og‘riqli epizodlardan birining tahliliga e’tibor bermadilar.
