Janubiy Amerikadagi Jahon chempionati — 2026 saralash turnirida yakunga bir tur qolganiga qaramay, mundialga to‘g‘ridan-to‘g‘ri yo‘llanma olgan olti jamoa aniqlandi. JCH-2026ga to‘g‘ridan-to‘g‘ri yo‘llanmalarni Argentina, Braziliya, Ekvador, Urugvay, Kolumbiya va Paragvay terma jamoalari qo‘lga kiritdi.
JCH-2026 — Janubiy Amerika. 17-tur
Urugvay — Peru - 3:0
Gollar: 1:0 Agirre (14’), 2:0 Arraskaeta (58’), 3:0 Vinyas (80’)
Kolumbiya — Boliviya - 3:0
Gollar: 1:0 Rodriges (31’), 2:0 Kordoba (74’), 3:0 Kintero (83’)
Paragvay — Ekvador - 0:0
Argentina — Venesuela - 3:0
Gollar: 1:0 — Messi (39’), 2:0 — Martines (76’), 3:0 — Messi (80’)
Braziliya - Chili - 3:0
Gollar: 1:0 — Estevao (38), 2:0 — Lukas Paketa (73), 3:0 — Bruno Gimarayesh (76)
4 sentyabr kunidan 5 sentyabr kechasiga o‘tarda KONMEBOLda yana uchta jamoa mundialga yo‘llanmani rasman ta’minladi. Urugvay va Kolumbiya o‘z maydonlarida Peru va Boliviyani yirik — 3:0 hisobida mag‘lub etib, mundial yo‘llanmasini qo‘lga kiritdi. Paragvay esa o‘z uyida Ekvador bilan durang (0:0) o‘ynagan holda top-6dagi o‘rnini kafolatladi.
Janubiy Amerikadan yana bir jamoa Jahon chempionatiga qit’alararo pley-off orqali yo‘l olishi mumkin. Saralashga bir tur qolganda 7-o‘rin, ya’ni pley-off o‘ynash huquqini Venesuela egallab turibdi. Undan bir ochko orqadagi Boliviya ham imkoniyatni saqlab qolgan. Chili va Peru esa mundialga chiqish imkoniyatlarini yo‘qotdi.
