Жанубий Америкадаги Жаҳон чемпионати — 2026 саралаш турнирида якунга бир тур қолганига қарамай, мундиалга тўғридан-тўғри йўлланма олган олти жамоа аниқланди. ЖЧ-2026га тўғридан-тўғри йўлланмаларни Аргентина, Бразилия, Эквадор, Уругвай, Колумбия ва Парагвай терма жамоалари қўлга киритди.

ЖЧ-2026 — Жанубий Америка. 17-тур
Уругвай — Перу - 3:0
Голлар: 1:0 Агирре (14’), 2:0 Арраскаэта (58’), 3:0 Виньяс (80’)

Колумбия — Боливия - 3:0
Голлар: 1:0 Родригес (31’), 2:0 Кордоба (74’), 3:0 Кинтеро (83’)

Парагвай — Эквадор - 0:0

Аргентина — Венесуэла - 3:0
Голлар: 1:0 — Месси (39’), 2:0 — Мартинес (76’), 3:0 — Месси (80’)

Бразилия - Чили - 3:0
Голлар: 1:0 — Эстевао (38), 2:0 — Лукас Пакета (73), 3:0 — Бруно Гимараеш (76)

4 сентябрь кунидан 5 сентябрь кечасига ўтарда КОНМЕБОЛда яна учта жамоа мундиалга йўлланмани расман таъминлади. Уругвай ва Колумбия ўз майдонларида Перу ва Боливияни йирик — 3:0 ҳисобида мағлуб этиб, мундиал йўлланмасини қўлга киритди. Парагвай эса ўз уйида Эквадор билан дуранг (0:0) ўйнаган ҳолда топ-6даги ўрнини кафолатлади.

Жанубий Америкадан яна бир жамоа Жаҳон чемпионатига қитъалараро плей-офф орқали йўл олиши мумкин. Саралашга бир тур қолганда 7-ўрин, яъни плей-офф ўйнаш ҳуқуқини Венесуэла эгаллаб турибди. Ундан бир очко орқадаги Боливия ҳам имкониятни сақлаб қолган. Чили ва Перу эса мундиалга чиқиш имкониятларини йўқотди.