Niderlandiya terma jamoasi va Angliyaning "Liverpul" klubi vingeri Kodi Gakpo klub bilan shartnomani uzaytirish bo‘yicha fikr bildirdi. Yangi bitim 2030 yilgacha mo‘ljallangan.

Gakpo jamoani tark etish haqida o‘ylamagan bo‘lsa-da, "Bavariya" bu yozda uning xizmatlariga qiziqish bildirgandi.

"Tushunishimcha, ular taklif bilan chiqishgan, ammo oxir-oqibat Luis Diasni sotib olishgan," - deya futbolchining so‘zlarini keltiradi ESPN.

O‘yinchi yangi bitim tuzishdan mamnunligini bildirdi.

"Transfer oynasi futbolchilar va atrofdagilar uchun stressli bo‘lishi mumkin. Endi bu meni tashvishga solmaydi."

Gakpo hozirgi jamoasi safida 132 ta o‘yin o‘tkazib, 42 ta gol urgan va 19 ta golli uzatmani amalga oshirgan.