Нидерландия терма жамоаси ва Англиянинг "Ливерпуль" клуби вингери Коди Гакпо клуб билан шартномани узайтириш бўйича фикр билдирди. Янги битим 2030 йилгача мўлжалланган.
Гакпо жамоани тарк этиш ҳақида ўйламаган бўлса-да, "Бавария" бу ёзда унинг хизматларига қизиқиш билдирганди.
"Тушунишимча, улар таклиф билан чиқишган, аммо охир-оқибат Луис Диасни сотиб олишган," - дея футболчининг сўзларини келтиради ESPN.
Ўйинчи янги битим тузишдан мамнунлигини билдирди.
"Трансфер ойнаси футболчилар ва атрофдагилар учун стрессли бўлиши мумкин. Энди бу мени ташвишга солмайди."
Гакпо ҳозирги жамоаси сафида 132 та ўйин ўтказиб, 42 та гол урган ва 19 та голли узатмани амалга оширган.
