Мадриднинг «Атлетико» клуби ҳужумчиси Хулиан Альваресга бошқа клублар томонидан қизиқиш ҳамон сақланиб қолмоқда.

Аргентиналик футболчига асосий даъвогар сифатида «Барселона» тилга олинаётган эди, бироқ «матрасчилар» ижрочи директори Мигел Анхель Хил Жоан Лапортага ҳужумчини Каталонияга қўйиб юбормасликларини аниқ тушунтирди, дея хабар бермоқда журналист Жота Жорди. «Атлетико» Лондоннинг «Арсенал» клуби билан дастлабки келишувга эга, аммо футболчи ўз фикрида қатъий турибди: у «Барса»га ўтишни хоҳлайди, Англияга қайтиш варианти эса уни қизиқтирмайди.

Хулиан Альвареснинг трансфер қиймати Transfermarkt портали томонидан 100 миллион еврога баҳоланмоқда. Ўтган ҳафтада Мадриднинг «Реал» клуби 26 ёшли футболчи учун 150 миллион евро таклиф қилганди, бироқ рад жавобини олди.