Qanot hujumchisi Alexandro Garnacho yaqinda "Manchester Yunayted"dan "Chelsi"ga o‘tdi. Transfer rasman e’lon qilinishidan oldin futbolchi londonliklarning "Fulxem"ga qarshi o‘yinini tomosha qilgandi. Angliya terma jamoasining sobiq futbolchisi Jeymi Karrager o‘yin paytida Garnachoning xatti-harakatlaridan norozi bo‘lganini aytdi.
"Bilasizmi, nimadan norozi bo‘ldim? "Fulxem"ga qarshi o‘yinni ko‘rdingizmi? Tribunadagi odamlar namoyish etilgandp, Garnacho o‘yin davom etayotgan paytda telefoniga tikilib o‘tirardi. Men bunga toqat qilolmayman. Demak, uning xatosi shundaki, u "Chelsi" uchun muhim bo‘lgan o‘yin paytida telefonga tikilib o‘tirdi," - deya Karragerning so‘zlarini keltiradi Goal.
Alexandro Garnacho "Chelsi" bilan yetti yillik shartnoma imzoladi. OAV ma’lumotlariga ko‘ra, kelishuv summasi taxminan 46 million yevroni tashkil etgan.
