Қанот ҳужумчиси Алехандро Гарначо яқинда "Манчестер Юнайтед"дан "Челси"га ўтди. Трансфер расман эълон қилинишидан олдин футболчи лондонликларнинг "Фулхэм"га қарши ўйинини томоша қилганди. Англия терма жамоасининг собиқ футболчиси Жейми Каррагер ўйин пайтида Гарначонинг хатти-ҳаракатларидан норози бўлганини айтди.
"Биласизми, нимадан норози бўлдим? "Фулхэм"га қарши ўйинни кўрдингизми? Трибунадаги одамлар намойиш этилгандп, Гарначо ўйин давом этаётган пайтда телефонига тикилиб ўтирарди. Мен бунга тоқат қилолмайман. Демак, унинг хатоси шундаки, у "Челси" учун муҳим бўлган ўйин пайтида телефонга тикилиб ўтирди," - дея Каррагернинг сўзларини келтиради Goal.
Алехандро Гарначо "Челси" билан етти йиллик шартнома имзолади. ОАВ маълумотларига кўра, келишув суммаси тахминан 46 миллион еврони ташкил этган.
