Jahon chempionati - 2026 saralash bosqichi doirasidagi o‘yinda Fransiya terma jamoasi Ukraina ustidan 2:0 hisobida g‘alaba qozondi. Bu natija haqida "uchranglilar" forvardi Ugo Ekitike o‘z fikrlarini bildirdi.
"O‘yin bizning nazoratimiz ostida o‘tdi. Birinchi bo‘limda bizga omad kulib boqdi, tashabbusni to‘liq qo‘lga oldik. Mening o‘yinimga kelsak, hammasi juda tez ketmoqda. "Liverpul" safida debyut qilganman, endi esa milliy jamoada o‘ynadim. Hamma narsa tez o‘zgaradi, shuning uchun har doim tayyor bo‘lish kerak", - deya 23 yoshli hujumchining so‘zlarini keltiradi Lequipe.
Saralashning navbatdagi o‘yinida Fransiya terma jamoasi Islandiya termasiga qarshi maydonga tushadi. O‘yin 9 sentyabr kuni bo‘lib o‘tadi.
