Andre Onana "Trabzonspor"ga o‘tishga tayyor.
Avvalroq, turk klubi "Manchester Yunayted" bilan darvozabonni ijaraga olish borasida kelishib olgani, Onananing qarorini kutish qolganligi haqida xabarlar tarqalgan edi.
The Athletic xabariga ko‘ra, kamerunlik futbolchi transferga qarshi emas va shartnoma shartlari ko‘rib chiqilishini kutmoqda.
Ijara bepul va sotib olish opsiyasiz bo‘lishi kutilmoqda. "Trabzonspor" Onanani 14 sentyabr kuni "Fenerbaxche"ga qarshi o‘yinda maydonga tushirmoqchi.
Onana bu mavsumda APLda birorta ham o‘yin o‘tkazmadi.
