Yaqinda El Nacional sahifalarida Markus Reshford haqida material e’lon qilindi. "Barselona" Reshfordni uyga jo‘natish imkoniyatini ko‘rib chiqmoqda," - deyiladi materialda.
Agar hozir ushbu material havolasiga o‘tsangiz, quyidagi xabarni ko‘rishingiz mumkin: "Sahifa mavjud emas."
Ehtimol, jurnalistlar vaziyatni baholashda haddan oshganliklarini yoki tekshirilmagan ma’lumotlardan foydalanganliklarini tan olishar. Chunki, "Barselona" dastlabki uch o‘yindan keyinoq Reshfordni Angliyaga qaytarishga qaror qilsa, rostdan g‘alati bo‘lardi.
Eslatib o‘tamiz, "Barselona" yozda Markus Reshfordni "Manchester Yunayted"dan sotib olish huquqi bilan ijaraga olgan edi.
