"Napoli" yarim himoyachisi Kevin de Bryuyne Chempionlar ligasi doirasidagi "Manchester Siti"ga qarshi o‘yin haqida gapirdi.
Bellashuv 18 sentyabr kuni "shaharliklar" maydonida bo‘lib o‘tadi. O‘n yil davomida "Siti" sharafini himoya qilgan belgiyalik futbolchi uchun o‘yin o‘zgacha bo‘ladi.
"Bu quvnoq bo‘ladi, lekin biroz g‘alati ham, chunki bu safar men raqib safida bo‘laman, ammo "Manchester Siti" abadiy mening klubim bo‘lib qoladi. Ketishimni muhokama qilayotganimizda, Yevropada qolsam, Chempionlar ligasida to‘qnash kelishimiz mumkinligini aytgandim," - deya de Bryuynening so‘zlarini keltiradi City Report.
