Angliya terma jamoasi bosh murabbiyi Tomas Tuxel Noni Maduekening o‘yini haqida fikr bildirdi. "Arsenal"ning 23 yoshli yangi futbolchisi JCH-2026 saralashidan o‘rin olgan Andorraga qarshi o‘yinda "uch sherlar" tarkibida maydonga tushdi. Uchrashuv inglizlarning g‘alabasi bilan yakunlandi (2:0).
"Ba’zida Noniga konsentrasiya yetishmaydi, u kontrpressingda "uxlab qolishi" mumkin, ammo u bor kuchini ishga solsa, biz uchun juda muhim o‘yinchiga aylanishi mumkin. Bukayo [Saka] hozir jarohat olgan, shuning uchun Noni "Arsenal" va terma jamoada o‘zini ko‘rsatishi uchun hamma narsaga ega," - dedi Tuxel o‘yindan keyin bergan intervyusida.
