Англия терма жамоаси бош мураббийи Томас Тухель Нони Мадуэкенинг ўйини ҳақида фикр билдирди. "Арсенал"нинг 23 ёшли янги футболчиси ЖЧ-2026 саралашидан ўрин олган Андоррага қарши ўйинда "уч шерлар" таркибида майдонга тушди. Учрашув инглизларнинг ғалабаси билан якунланди (2:0).
"Баъзида Нонига концентрация етишмайди, у контрпрессингда "ухлаб қолиши" мумкин, аммо у бор кучини ишга солса, биз учун жуда муҳим ўйинчига айланиши мумкин. Букайо [Сака] ҳозир жароҳат олган, шунинг учун Нони "Арсенал" ва терма жамоада ўзини кўрсатиши учун ҳамма нарсага эга," - деди Тухель ўйиндан кейин берган интервьюсида.
