"Bavariya" hujumchisi Xarri Keyn yaqin kelajakda jamoani tark etishi mumkin. Jurnalist Rafael Xonigshtaynning ma’lum qilishicha, angliyalik futbolchining Bundesliga grandi bilan amaldagi shartnomasi 2027 yilning yozigacha mo‘ljallangan va klub rahbariyati futbolchi shu vaqtgacha ketishini taxmin qilmoqda. E’tiborlisi, 2026 yilning yozida "Tottenxem" forvardni taxminan 62 mln yevroga qaytarishi mumkin - bu uning "Bavariya" bilan shartnomasida ko‘rsatilgan.

Xarri Keyn 2023 yilda "Tottenxem"ni "Bavariya"ga almashtirdi. Transfer qiymati 95 mln yevro atrofida bo‘lgan. Ayni paytda 32 yoshli futbolchi nemis top-klubi libosida 100 ta o‘yinda 91 ta gol va 28 ta golli uzatmani amalga oshirgan.