"Бавария" ҳужумчиси Харри Кейн яқин келажакда жамоани тарк этиши мумкин. Журналист Рафаэл Хонигштайннинг маълум қилишича, англиялик футболчининг Бундеслига гранди билан амалдаги шартномаси 2027 йилнинг ёзигача мўлжалланган ва клуб раҳбарияти футболчи шу вақтгача кетишини тахмин қилмоқда. Эътиборлиси, 2026 йилнинг ёзида "Тоттенхэм" форвардни тахминан 62 млн еврога қайтариши мумкин - бу унинг "Бавария" билан шартномасида кўрсатилган.

Харри Кейн 2023 йилда "Тоттенхэм"ни "Бавария"га алмаштирди. Трансфер қиймати 95 млн евро атрофида бўлган. Айни пайтда 32 ёшли футболчи немис топ-клуби либосида 100 та ўйинда 91 та гол ва 28 та голли узатмани амалга оширган.